При изборот на идеални очила за сонце треба да земете предвид повеќе важни фактори, како што се: соодветна заштита од УВ зрачењето, удобноста на рамката, квалитетот на изработката итн. Но, за изборот да биде совршен, треба да внимавате и формата на очилата да ви одговара на формата на лицето.
Првото нешто што треба да го направите за да можете да ги одберете правилните очила за сонце е да го одредите типот на вашето лице. Постојат 7 основни типови на лице: заоблено, овално, елипсоидно, триаголно, превртен триаголник, дијамантско и квадратно. Откако ќе ја одредите оваа важна карактеристика, ќе знаете какви очила за сонце најмногу ќе ви одговараат.
Дијамант
Ако имате лице во форма на дијамант, тогаш треба да се одлучите за очила со тенки рамки, очила со нагласен горен дел на рамките или пак овални рамки.
Квадрат
За луѓето со квадратна форма на лицето се препорачуваат рамки со меки рабови, заоблени, овални и очила со потенки рамки.
Триаголник
Ако имате триаголно лице, одлучете се за рамки со живописни бои или пак за рамки чиј горен дел е рамен.
Превртен триаголник
Доколку вашето лице има форма на превртен триаголник, тогаш барајте очила со многу тенки рамки, направени од лесен материјал, во постудени бои.
Елипса
За луѓето со елипсоидна форма на лицето се препорачуваат рамки кои се широки, во најмала рака пошироки од најширокиот дел од лицето.
Круг
Ако имате заоблено лице, купете си очила за сонце со квадратни или аглести рамки, кои исто така се малку подебели од вообичаено.
Овал
Луѓето со овална форма на лицето можат да носат речиси секакви очила за сонце, но најдобро изгледаат оние со квадратни или аглести рамки.
Текстот е објавен во соработка со Iguana.mk
