Мажите практично не се запознаени циститис, но секоја втора жена знае што е тоа.
Причината за женската ранливост кон циститот се должи на анатомски особености – мочниот канал е многу краток – само неколку сантиметри, додека кај мажите е цели 25 см. Токму тоа придонесува за навлегување на инфекција во слузницата на мочниот меур и се одразува на начин што имате потреба да го посетите тоалетот на секои 15-20 минути, а олеснување нема …
Непријатноста на цистит е тоа што како болест се наоѓа на границата на две полиња – урологија и гинекологија. Само по себе воспалението на мочниот канал е уролошки проблем. Но, причината за повеќето манифестации на цистит е гинеколошка – нарушувања во вагиналната микрофлора.
Циститот често се провоцира од воспалителните болести на внатрешните полови органи кои непосредно се распоредени до мочниот меур и мочниот канал. Понекогаш болеста се јавува со започнувањето на сексуалниот живот, кога во половите патишта се појавува првата инфекција. Освен тоа, за време на менструацијата и бременоста се јавуваат поволни услови за развој на инфекции. Најтешко загрозени од цистит се жените на 25-30 години и оние над 55.
Ако имате склоност кон цистит, најдобро е да ги следите овие неколку основни правила:
– Не се преладувајте. Облекувајте топла облека и не поминувајте многу време на студено.
– Исклучете ги од менито зачините, киселата и пржена храна и умерено консумирајте солени и кисели производи.
– Третирајте ги навреме сите хронични воспалителни болести – од тонзилитис до вагинални инфекции. Прегледувајте се редовно кај гинеколог.
– Поправете ја исхраната така што ќе избегнете запек и нарушувања кои предизвикуваат проблеми поврзани со мочниот меур.
– Ако водите седечки начин на живот, обидувајте се на секој 5-10 минути да станувате и да се шетате.
– Ако за време на месечниот циклус користите тампони, менувајте ги на секои 2 часа.
– Посетувајте го тоалетот на секои два часа, па дури и да можете да трпите.
– Не се бањајте во топла када – подобра опција е топлиот туш.
– Пред и по сексуалниот однос задолжително туширајте се и празнете го мочниот меур.
– Пијте чај со млеко! Научниците не можат да објаснат зошто овој пијалок помага при цистит, но тоа е факт.
– Јадете боровинки! Нивните активни компоненти не им дозволуваат на микробите да се прицврстат на ѕидовите на мочниот меур.
