ЈП Водовод и канализација Скопје најостро ја осудува и во целост ја демантира, како што велат, „лажната вест“ објавена во неколку медиуми – дека ќе се зголеми цената на водата во Скопје.
„Имено, во согласност со Законот за утврдување цени на водните услуги се доставува известување за зголемените трошоци на претпријатието по основ на електрична енергија и енергенси во форма на барање за утврдување на тарифите за водните услуги, барање кое е доставено во 2022 година. Околу евентуалната промена на цената на водните услуги надлежни се Регулаторна комисија за енергетика и Советот на Град Скопје како основач на претпријатието, при што ЈП Водовод и канализација – Скопје ниту донело нови тарифи, ниту истото го има побарано од Советот на Град Скопје.
„Уште еднаш да потенцираме дека ЈП Водовод и канализација – Скопје не побарало зголемување на цената на водата во Скопје, ниту е тоа во план на претпријатието во тековната година“, се вели во реакцијата на ЈП „Водовод и канализација Скопје“.
