ИСТАНБУЛ (АА) – По неколку одложувања денес јапонскиот лунарен лендер беше успешно лансиран во вселената, соопшти Јапонската агенција за воздушно истражување (JAXA), пренесува Анадолу.
Мицубиши хеви индустрис соопшти дека летот на ракетата H2A поминал номинално со специјалниот паметен лендер за истражување на Месечината (SLIM) и сателитот XRISM.
Ракетата е лансирана од Вселенскиот центар Танегашима во југозападна Јапонија во првото големо лансирање од своја територија од март оваа година.
Лунарниот лендер е развиен од Јапонија за да ја тестира технологијата за прецизно слетување на површината на Месечината, а рендгенскиот астрономски сателит треба да ја набљудува плазмата во ѕвездите и галаксиите.
Можеби ќе бидат потребни од три до четири месеци лендерот да влезе во орбитата на Месечината.
Доколку биде успешно, Јапонија ќе им се придружи на поранешниот Советски Сојуз, САД, Кина и Индија во слетувањето вселенско летало на Месечината.
Ова беше 41. успешно лансирање на ракетата H2A по ред од 2005 година.
Јапонија имаше неколку доцнења, прво поради технички дефект, а подоцна и поради временските услови.
