Холандскиот амбасадор имал средба со лидерот на ДУИ, Али Амети, за да ја пренесе пораката дека посветеноста на земјава за членство во ЕУ е загрозена поради постојаниот пад во владеењето на правото, соопшти Амбасадата на Холандија во Скопје.
„Амбасадорот Дирк Јан Коп се сретна со лидерот на ДУИ Али Ахмети за да ја пренесе пораката дека по две години постојан пад на владеењето на правото, посветеноста на Северна Македонија за членство во ЕУ е загрозена низ политичкиот спектар“, се наведува во објавата на официјалниот Фејсбук профил на Амбасадата.
Во статусот за средбата, која според фотографијата се одржала во седиштето на ДУИ, се посочува и ставот на Амбасадата за политичкото влијание врз претседателката на Врховниот суд, Беса Адеми.
„Исто така, неприфатливо е несоодветно политичко влијание врз позицијата на претседателот на Врховниот суд, што е судска работа и ќе предизвика силна реакција од Холандија“, стои во објавата, во која и директно е тагната/означена ДУИ.
