Од леб и тестенини можеби се дебелеете, но одредена количина на јаглени хидрати секојдневно е потребно за мозокот и остатокот од телото нормално да функционираат.
Секако дека сите јаглени хидрати не се подеднакво добри или лоши за вас. Колачите, крофните, слатките и лебот од рафинирано бело брашно не ги нудат потребните хранливи материи. Ако ги јадете често ќе имате голем ризик од развој на болести како што се оние поврзани со циркулацијата и дијабетесот. Сепак, на располагање имате многу јаглени хидрати кои ги нудат потребните влакна што ќе ви помогнат да се чувствувате сити.
Киноа
Обединетите нации ја прогласија 2013 година за Меѓународна година на киноата, повикувајќи се на фактот дека нејзиното зрно е исполнето со влакна, протеини, антиоксиданси и здрави масти. Гответе ја како прилог.
Јачмен
Не се користи само за пиво! Јачменот содржи влакна кои помагаат во одржување на здраво ниво на холестерол во крвта. Освен тоа, јачменот е одличен за одржување на чувството на ситост. Одличен е за појадок, како каша збогатена со суво овошје.
Пченица
Цело, непреработено зрно пченица е богат извор на железо, витамин Б, магнезиум, цинк и влакна.
Булгур пченица
Булгур е преработена, делумно готвена пченица. Покрај јаглени хидрати, нуди голема количина протеини и влакна. Пробајте рецепт со ѓумбир и портокал.
