Шестгодишниот Гаган Сатиш од Индија успеал на ролшули да се протне под 39 паркирани автомобили, со што поставил нов светски рекорд во оваа необична категорија.
Тој секојдневно вежба за да го усоврши својот талент, а може да се спушти и на само 10 центиметри над тлото. Момчето е до толку многу талентирано, што успеало да стане вистински хит во својот град, и да инспирира уште многу млади момчиња да го прават истото.
Сатиш воедно изјавил дека со ова започнал да се занимава од неговата трета година, а следна цел му е да помине под 100 автомобили, па дури и еден ден да отиде и на Олимпијада.
Неговата мајка, Хема Сатиш (28) открила дека иако Гаган се повредил неколку пати до сега, сепак тоа не го обесхрабрило.
„Пред неколку месеци го одра лицето бидејќи се спушти премногу близу до бетонот. Иако крвареше, тој продолжи да вози се до крајот на патот“.
