Го прашале Хенри Кисинџер што е дипломатија, вака им објаснил

„- О, па тоа е мошне уникатен еврејски метод. Ќе ви објаснам со пример. Да речеме дека сакате да ја омажите ќерката на Рокфелер за еден обичен млад селанец од Македонија.

– Што? Како е тоа возможно?

– Многу лесно. Одам во едно македонско село, избирам еден пријатен младич и му велам.

– Сакаш да се ожениш за американска Еврејка?

Тој ќе одговори:

– Кај нас тука има преубави девојки.

Јас продолжувам:

– Да, но таа е ќерка на милијардер!

Македончето се чешка по главата и вели:

– Па, тоа ги менува работите…

Тогаш одам во Швајцарија на средба во банката и прашувам:

– Сакате претседател на банката да ви биде македонско селанче?

– Фуј – одговараат од банката.

– А ако тој е идниот зет на Рокфелер?

– Па, тоа веќе ги менува работите. Се разбира.

Потоа одам кај Рокфелер и му велам:

– Сакате за зет македонски селанец?

А тој бесно:

– Што зборуваш, во нашето семејство сите се финансиери!

Му велам:

– Да, но тој е претседател на Управниот одбор на швајцарската банка!

Рокфелер се замислува и ја клати главата:

– О, па тоа ги менува работите! Сузи, дојди тука. Господин Кисинџер ти нашол вереник. Претседател на Швајцарската банка!

Сузи незадоволно мрмори:

– Уф, сé финансиери, здодевни и непријатни.

Јас ѝ велам:

– Да, но тој е едно цврсто и силно македонско момче!

А таа со восхит:

– Ох! Па тоа ги менува работите…“