Најдобриот македонски таеквондист, Дејан Георгиевски, се закити со златен медал на меѓународниот турнир „Скопје опен Г1“.
Со четири убедливи победи, Георгиевски го достигна врвот. Прво го победи Абдула Ал Магди од Австрија, а потоа беше подобар од европскиот шампион Иван Шапина од Хрватска. Во полуфиналето, ја елиминираше бронзениот светски медалист Пашко Вожиќ, исто така од Хрватска. На крај, во финалето, неговата доминација беше неприкосновена против Илиа Рудерман од Израел.
По денешниот успешен настап во Спортскиот центар „Борис Трајковски“, Георгиевски собори нови бодови за олимписка квота.
На турнирот учествуваа повеќе од 1.000 натпреварувачи од 41 држава.
