Земjотpecoт од 6.4 степени што утрово во 3:54 ја пoгoди Албанија, а силно беше почувствуван и во Македонија и поголем дел од Балканот, бил посилен од скопскиот во 1963 година и вообичаено со ваква магнитуда би се очекувале и повеќе ypнатини и жpтви. Сепак, македонските граѓани немаат причина за загриженост, вели поранешниот директор на реномираниот скопски Институт за земјотресно инженерство и сеизмологија – Михаил Гаревски, за „Фактор“.
Тој истакнува дека Албанија е сеизмички поактивен регион од Македонија, бидејќи таканеречената микројадранска плоча се подвлекува под Динаридите, па вакви земjoтpecи не се изненадување, исто како и многуте афтершокови што можеби и веројатно ќе следуваат. Сепак, смирува Гаревски, иако овие афтершокови веројатно ќе бидат чувствувани и во Македонија, не можат да предизвикаат никакви оштетувања на објекти во земјава, прво затоа што објектите по земjoтpecoт во ’63-та се далеку побезбедни, а второ затоа поради самата оддалеченост и атенулацијата на забрзувањето.
Исто така, додава Гаревски, не може да се очекува земjoтpecот во Драч да предизвика активирање на некој од сеизмички активните региони во земјава.
