Ford официјално ја објави својата намера да развие линијата од спортски верзии (RS) на своите модели. До 2020 година производителот ќе го објави вкупно 12 такви нови автомобили, а меѓу нив ќе биде и очекуваниот со огромен интерес Focus RS.
Во летото Ford официјално го претстави помалиот брат на Ford RS – модификација ST. Самиот RS на неколку пати беше најавуван, но досега немаше официјална потврда за излез на пазарот. Ова веќе е факт, од како од Ford и официјално соопштија дека Focus RS ќе биде следниот спортски модел на Синиот овал.
Од компанијата најавија уште дека спортските поделби Ford Racing, Ford SVT и Team RS се спојуваат во една структура под името Ford Performance. Потпретседателот на производителот, Раџ Наир, е категоричен дека тоа обединување ќе му овозможи на брендот да лансира побрзо на пазарот нови патнички и тркачки модели со најсовремена технологија.
Според брендот проширување на линијата Ford RS ќе им овозможи на компанијата да се зголеми нивната продажба во целиот свет. Забележуваме дека по воведувањето на стратегијата One Ford, интересот за спортски модели во Европа и САД се зголеми за 70%.
