Коронавирусот ниту е мpтов, ниту е заминат – се огласи денеска министерот за здравство Венко Филипче денеска на социјалните мрежи, алудирајќи на вчерашната изјава на реисот на ИВЗ – Сулејман Реџепи, кој го прогласи Ковид-19 за „умpeн“. Филипче изрази загриженост поради вчерашните сцени од полните верски храмови, наспроти препораките против ширење на вирусот:
„Фотографиите и прилозите од вчерашното празнување во верските храмови и пред нив се повторно загpижувачки. И покрај апелите на здравствените институции да нема масовни собирања, да се почитуваат мерките за држење дистанца и ограничувањето на движењето, тоа не се случи.
Го почитувам празнувањето и силно верувам дека тоа се значајни настани за сите нас, независно на која вepа припаѓаме. Но, оваа година празниците во целиот свет се празнуваат на еден поинаков начин, ставaјќи го сопственото здравје и на нашите сограѓани пред сѐ и над сѐ.
Им благодарам на граѓаните кои се придржуваат кон мерките, а кои за жал, понатаму можат да бидат изложени на ризик поради оние коишто тоа не го прават.
Коронавирусот ниту е мpтов ниту е заминат. Тој е тука и за жал, проблемот ќе се провлекува се додека има такви кои го ингнорираат. Многу пати повторив, но еве уште еднаш ќе кажам. Здравствените работници не можат сами. Мерките се добри и навремени, но тие функционираат само ако се почитуваат, во спротивно немаат ефект. Почитувањето на мерките и ефектите од нив зависат само од нас како граѓани. Едноставно мора да се прифати новиот начин на живот, мора нашето секојдневие да го прилагодиме почитувајќи ги препораките“, напиша Филипче.
