Новата верзија на официјалната Facebook апликација за Windows Phone доаѓа со нов променет изглед и нов кориснички интерфејс. Ова е втора голема вест од Facebook за Microsoft, откако претходно беше договорено социјалната мрежа да биде интегрирана во најновата верзија на Windows 8.1.
На овој начин Facebook успеа да го доближи својот природен изглед како на десктоп верзија, но и да понуди целосно искуство како и кај останатите платформи на Android и iOs кои многу порано добија квалитетни Facebook апликации.
Што се однесува до апликацијата за Windows Phone подобрувања има во делот на „ѕидот“, односно полето со информации од вашите пријатели, како и добра подреденост на чатот, главното мени од левата страна, копчиња за брза активација и подршка за Timeline профилите.
Текстот е објавен во соработка со Telefoni.com.mk.
