Facebook ја лансираше новата функција на својата социјална мрежа – фото коментарите. Овој новитет беше соопштен вчера, кога и официјално беше пуштен за користење. Оваа нова функција ни дава можност да додаваме фотографии наместо текст, во полето на коментарите.
Единствено што треба да направите е да кликнете на иконата во формата на фотоапарат – Attach a photo (Прикачи фотографија) која се наоѓа на десната страна во полето “коментар” и ќе ви се отвори можност да прикачите било каква ваша фотографија.
За почеток, оваа функција ќе биде достапна само за десктоп верзијата на социјалната мрежа, но од компанијата соопштуваат дека истата наскоро ќе биде достапна и за мобилната верзија на Facebook.
“Понекогаш е полесно да покажете што мислите со една фотографија, отколку да напишете само зборови” – изјави Bob Baldwin, еден од главните програмери – создавачи на оваа нова функција.
Дали овој начин на коментирање ќе биде интересен и забавен или пак, ќе отвори ново поле за спамерите и хејтерите? Не ни преостанува ништо друго, освен да ја испробаме функцијата и да почекаме.
Текстот е објавен во соработка со SocialNet.Mk
