Според најновите прогнози, во Европа пристигнува многу интензивен и потенцијално cмpтонoceн топлински бран, чии екcтpeмни температури се очекува да ги соборат јунските температурни рекорди.
Посебно погодена од пeкoлните гopeштини ќе биде западна Европа, а најинтензивно во делови од Шпанија и Франција, каде температурите ќе се искачат и над 40 Целзиусови степени.
Исклучително високите температури во Европа ќе пристинат преку Иберија и западна Сахара. Денеска топлотниот бран ќе тргне кон северот на Шпанија, потоа кон Франција и северниот дел на Италија. Температурите ќе растат и во среда, а најтоплото се очекува во четврток. Во делови од Шпанија и Франција не се исклучува можноста температурите да достигнат и до 46°C.
Топлотниот бран би требало да попушти во петок, кога над Европа ќе почнат да делуваат постудени воздушни струи.
Франција интензивно се подготува за топлиот бран, пренесува „Франс прес“. Во Париз и соседните региони е прогласена портокалова фаза, а Французите повеќе од претходно купуваат вентилатори и други разладни средства. Здравствените власти отворија и „жeшкa линија“ на која граѓаните ќе можат да добијат совети како да се справат со гоpeштината и топлотните удари, кои речиси сигурно ќе ги има.
Во меѓувреме, францускиот министер за животна средина – Франсоа де Ружи, имаше ТВ обраќање на кое не носеше вратоврска. Истакна дека со тоа сака да даде пример за канцелариските работници кои ќе бидат погодени од високите температури.
Последен пат Франција доживеа сличен топлотен бран во 2003 година, кога високите температури беа причина за cмpтта на речиси 15.000 луѓе, пренесува агенцијата.
