Ентериерот во црно-бела боја е идеален за оние на кои им е тешко да се одлучат за основните бои во нивниот дом.
Предноста е во тоа што црно-белата комбинација е одлична основа за дополнување со детали во најразлични бои. Класичните црна и бела боја изгледаат контрастно, необично и впечатливо. Во зависност од деталите кои се додаваат во ентериерот може да се експериментира со стилот на просториите до бесконечност. Најпогодни се вазни, лампи, саксии, перничиња и други додатоци во огнено црвена, светло зелена и виолетова боја.
