Елтон факинг циција Џон

Елтон Џон го ажурираше тестаментот и одлучи да ги лиши од наследство двајцата синови. Причината? За да ги научи на најважната лекција околу смислата на работата и вредноста на парите.

Засега децата се мали – Закари е на 5 години, а Илајџа има 3, и допрва ќе мораат да ја разберат лекцијата, која ќе ги чини богатство од 280 милиони долари.

Одлуката на Сер Елтон Џон е конечна. Тоа е инспирирана од милијардерот Ворен Бафет, кој најави дека ќе го остави наследството во добротворни цели, вклучувајќи ја фондацијата на Бил Гејтс, а не на своите деца. Токму тоа планира да го направи и британската ѕвезда, но со неколку услови: „Тие имаат потреба да живеат нормално, да имаат малку почит кон парите, малку почит кон трудот… Се разбира, заедно со мојот сопруг ќе им обезбедиме извесна финансиска поддршка. Но ужасно е да им  дадеш сребрена лажица на своите деца, тоа е деструктивно по нивните животи“, вели 68-годишниот уметник, цитиран од „Дејли Мирор“.

Засега сер Елтон Џон не стигна до компромис со сопругот Дејвид Фарниш околу износот што сепак ќе им го остават на наследниците. Веројатно ќе биде минимален, бидејќи и Фарниш смета дека „најголемите радости доаѓаат од напорната работа“.

Македонски богаташи, читате ова?