Општина Могила прогласи елементарна непогода по силното невреме кое зафати најмалку шест села од општината и нанесе непоправливи штети на земјоделски насади со тутун, пченица и пченка.
Елементарна непогода веќе е прогласена во Могила и Радобор, а од денес и во Долно Српци, Ивањевци, Беранци и Вашарејца.
„Општинска комисија ќе направи проценка на штетите, но за обештетување ќе биде потребно да помогне државата“, рече Јанкуловски.
Големи штети на земјоделските насади има и во регионот околу Ресен, каде денеска увид ќе изврши екипа од Министерството за земјоделство, шумарство и водостопанство.
