Екстремната музика ги прави луѓето позитивни?

Спротивно на популарното мислење, „екстремната музика“ со насилни и груби стихови и тонови, вусшност ве прави посмирени и посреќни.

Во студијата објавена во Frontiers in Human Neuroscience, 39 редовни слушатели на тн. „екстремна“ музика, на возраст од 13-34 години, намерно биле доведени до степен на лутина (преку навраќање на фрустрирачки и иритирачки настани од нивните животи), а потоа им било овозможени 10 минути слушње музика по избор или 10 тишина.

Истражувачите заклучиле дека испитаниците што одбрале да слушаат музика, генерално од областа на хеви-металот или слични жанрови, потполно се смириле и расположиле, омекнале и станале позитивни, и сето тоа во дозволениот период од 10 минути.

Втората цел на студијата била да се види каква музика ќе одберат лутите партиципанти од нивната плејлиста. Се покажало дека половина од избраните песни содржеле тематика на бес и агресија, додека во останатите песни претежно се зборувало за изолација и тага.

Сеедно на која од двете групи припаѓале, партиципантите рекле дека ја искористиле музиката за да си го подобрат степенот на среќа, да се вратат на чувството на љубов и да ја подобрат сопствената благосостојба.

Научниците заклучуваат дека екстремната музика им служи на слушателите како еден вид начин за позитивна саморегулација и дека агресивната и груба музика всушност може да го намали насилството, правејќи ги луѓето позитивни.