Керамичките плочки најчесто се користат за бањите, но поради нивната практичност се идеални и за подовите и ѕидовите во останатите простории во домот.
Освен што не пропуштаат влага, тие се практични за одржување. Плочките со мазна површина се одлични за ѕидовите, но не се удобни за одење по нив.
Денес на пазарот се нудат најразлични дезени, форми и бои на керамички плочки, а архитектите препорачуваат истите смело да ги искористите за оригинално декорирање на ѕидовите не само во бањата.
Впечатливите бои и дезени се препорачуваат доколку сакате да доловите современост, а нежните пастелни нијанси се одлична основа за викторијанскиот стил во домот.
Неутралните бои, какви што се белата и кремастата визуЕлно го зголемуваат просторот, додека пак црвено – црната комбинација изгледа современо, но го смалува просторот.
Погледнете неколку идеи за декорирање на ѕидовите со керамички плочки!
