Добитничката на Oскар за најдобра женска улога, Џенифер Лоренс, се изненадила кога нејзиното интервју после церемонијата го прекинал легендарниот глумец Џек Николсон. Тој и честитал на младата колешка и воедно ја искористил пригодата за да и упати комплимент во стил на постар искусен заводник.
„Имаш еден фан овде“ и рекол водителот, а Џенифер се шокирала кога од зад неа го здогледала Џек Николсон.
Актерот и упатил комплименти за нејзината улога во филмот „Silver Linings Playbook“, по што таа се заблагодарила и возвратила дека на неа и се допаѓаат сите негови филмови.
Иако нивните возрасти се разликуваат повеќе од 50 години, сепак, тоа не беше пречка за актерот да се пошегува и да пофлертува малку со Џенифер.
„Изгледаш како една моја поранешна девојка“, по што актерката шеговито возврати „Навистина? А дали изгледам како вашата нова девојка?“ на што Џек возврати дека ќе мора да размисли.
По неколку мигови, актерот се врати и додаде, „Ќе те чекам“.
http://youtu.be/Upw1w2yXZs0
