ДУИ: Дури и етнички нелегитимната Влада продолжува со работите на Коридорот 8, тоа ја потврдува нашата визионерска политика

Демократската унија за интеграција цени дека продолжувањето на работите на Коридорот 8 дури и од страна на Владата без етнички легитимитет ја докажува и потврдува нашата правична и визионерска политика.

Партиите кои денеска го фалеа и се гордееа со проектот, до вчера го критикуваа договорот и изградбата на Коридорот 8 со закани дека ќе го откажат договорот, а денеска го нарекоа историски проект.

Граѓаните секојдневно ги чувствуваат придобивките од нашите политики и се убедени дека целиот политички лов на вештерки со клевети и конструкции беше измама за да се дојде на власт, дури и без етнички легитимитет.

Коридорот 8, иако го носи печатот на ДУИ, е на сите граѓани и апелираме тунелот од Гостивар до Букојчани да се реализира бидејќи тоа е најдобрата и најрационална опција за овој дел од коридорот.

Прочитајте и:  Мицкоски за писмото од Ахмети: Мора да се посвети внимание на секое писмо од секој граѓанин

Исто така, предвидениот буџет за овој проект мора да се реализира како што е утврден за да нема намерни опструкции и политички доцнења во реализацијата на проектот.

Демократска унија за интеграција

- Реклама -