Клинички студии докажаа дека редовната употреба на јогурт доведува до значително намалување на телесната тежина и нивото на масти во крвта. Затоа пожелно е да се конзумира во големи количини. Наместо да го купувате, научете да го подготвите сами.
Состојки:
1л полумасно млеко, 1-2 лажици јогурт
Подготовка:
Загрејте го млекото на умерен оган додека на ивицата на тенџерето не почнат да се појавуваат меурчиња. Ставете го во поголем сад и оставете го да се олади на 44-46 степени. Секако, најдобро е температурата да ја измерите со термометар, но ако немате, тогаш температурата е соодветна ако можете 20 секунди да го држите прстот во млекото.
Во посебен сад ставете го јогуртот, додајте малку топло млеко и мешајте. Мешавината додадете ја во млекото во големиот сад, третина по третина, секој пат добро измешајте. Покријте ја смесата и оставете ја на топло, може и на собна температура во текот на ноќта од 6 до 8 часа. Готовиот јогурт ставете го во фрижидер уште 8 часа.
Најдобро е готовиот јогурт да го чувате во стаклен сад.
