„Доктор Хаус“ доби своја ѕвезда на Булеварот на славните

Британскиот актер, комичар, писател и музичар – Хју Лори, а го знаеме како „Д-р Хаус“, доби своја ѕвезда на Булеварот на славните во Холивуд.

Заедно со неговото, на ѕвездениот булевар сега „живеат“ 2539 имиња.

На церемонијата 57-годишниот актер беше во друштво на својот колега и пријател Стивен Фрај, кој не пропушти да истакне дека е изненаден што Лори сé уште нема награда „Еми“.

„Светот не е фер, јас сум на 57 години и досега живеев вонредно добар живот. Толку е сé убаво во него што речиси секој ден очекувам пијано да ми падне на главата, за конечно да има рамнотежа” – рече Лори за време на доделувањето.

Тој им се заблагодари и на САД за тоа што ги измислиле фармерките, пицата и мартинито, кое Лори го опиша како „сонет во стаклена чаша“.

Во 2006 и 2007 Лори освои два златни „Златен глобус“-а за улогата во „Д-р Хаус“, а има и цели седум номинации за „Еми“.

„Веќе немам ни претстава за сите млади луѓе кои досега ги имам сретнато, а кои или студираат, или практикуваат медицина заради Д-р Хаус“ – рече Лори.

Покрај што е еден од највисоко платените актери на телевизија, Лори има свој придонес и како продуцент и режисер, а во приватниот живот е татко на три возрасни дец. Згора на тоа, има и просперитетна кариера во блуз и џез музиката. За тие што не знаеја, еве мал примерок: