Француски дипломати денеска повторно најавиле дека планираат да го блокираат почетокот на преговорите за членство во ЕУ со Северна Македонија и Албанија, пренесува „Дојче веле“, а објавила германската новинска агенција ДПА, повикувајќи се на дипломатски извори.
Париз не е задоволен од реформите во двете земји и тврди дека реформските напори не биле доволни, а притоа бара и фундаментални промени во процесот на пристапување како предуслов за почеток на преговорите. Како што пренесува „Дојче веле“, Франција притоа смета и дека процесот е премногу технички за да може да биде запрен штом еднаш започне и во случај да нема позитивен развој.
Ваквиот став на Париз не само што е спротивен на ставот на германската влада, туку и низа други земји-членки го пречекуваат со неодобрување и гнев, не само Германија, пишува ДПА. Останува уште само една последна шанса за менување на позицијата на Франција, а таа се вика Ангела Меркел. Прочитајте ТУКА.
