Фудбалскиот клуб Јувентус официјално го објави својот најнов голем трансфер – канадскиот напаѓач **Џонатан Дејвид** е нов член на “Старата дама”. Овој 24-годишен голгетер пренесен е од редовите на Лил и потпиша петгодишен договор со клубот од Торино, кој ќе важи до 30 јуни 2030 година.
Дејвид, кој е роден во Бруклин, САД, а потекнува од родители од Хаити, пораснал во Отава, Канада. На 17-годишна возраст се преселил во Европа, во белгискиот клуб Гент.
По две извонредни сезони во Белгија, каде што стана најдобар стрелец во лигата, во 2020 година направи значаен трансфер во Лил, каде што се утврди како еден од најдобрите напаѓачи во француската Лига 1.
