Бучните средини, како што се музички концерти, клубови и спортски настани не се најдоброто место за разговори со вашите пријатели, но ако морате да размените неколку зборови, постои лесно решение – затнете ги ушите и зборувајте со нормален тон.
Нежното затнување на ушите со прстите помага во филтрирањето на позадинската врева и дозволува полесно фокусирање на блискиот соговорник и она што тој го зборува. Вториот дел од трикот се состои од зборување со нормален тон, па дури и во ситуациите кога е неопходно да зборуваме непосредно блиску до увото на слушателот. Кога викаме, фреквенцијата на гласот се доближува до онаа на музиката во позадината и делумно се преклопува со истата, но зборувањето со нормален тон помага во издвојувањето на гласот од вревата.
Овој трик можеби нема да биде корисен при детална дискусија за последната епизода од Game Of Thrones, но дефинитивно ќе ви овозможи да размените неколку важни идеи во речиси било која средина.
