На состанокот, на кој присуствуваа претставници од земјите во регионот, Али, според информациите од Центарот за управување со кризи, активно учествувал во дебатите за анализа на функционирањето на оперативните центри за пребарување и спасување во случај на цивилни воздухопловни несреќи.
За време на работните сесии, секоја учесничка земја ги споделила своите искуства, капацитети и предизвици во управувањето со операциите за пребарување и спасување (SAR), со особено внимание на прекуграничната координација, оперативните процедури и подобрувањата на системите за алармирање и реагирање.
Главната цел на состанокот, според изјавите, била да се унапреди регионалната соработка и да се зголеми ефикасноста во управувањето со итни ситуации, со цел реакцијата на цивилни воздухопловни несреќи да биде што побрза, координирана и ефективна.
Од Центарот за управување со кризи истакнуваат дека учеството на овој настан ја потврдува посветеноста на нашите институции за зајакнување на националните и регионалните капацитети во областа на управувањето со кризи и безбедноста во воздухопловството.
