Затемнетите очи се најчест избор за вечерна шминка, бидејќи придаваат на погледот повеќе магнетизам. Погледнете како да си направите ноќна шминка чекор по чекор.
Не е потребно да сте професионалец, за да успеете да ја создадете самите- доволно е да имате соодветна „опрема” и да ги следите чекорите и советите на шминкерот за да се справите со оваа задача.
Како за почеток ви требаат барем 3 видови четки – две стандардни за шминка (една со средна големина и една со помал апликатор) и една четка со отсечен агол. Потребен ви е уште молив за очи или очна линија. Некои користат исто јаглен за очи, бидејќи е со помека текстура од моливот.
За опуштена шминка се разбира ви требаат и сенки – помеѓу 2 и 4 бои во зависност од ефектот кој го барате. Стандардно ви треба една сенка во неутрална боја, една темна и една во многу потемна нијанса. Некои додаваат и сјај како прилог на очите. Што се однесува до боите, погрешно е да мислите дека само црна и сива боја се соодветен избор . Убавата опуштена шминка се добива исто со помош на виолетова, зелена, сина, кафеава и метални нијанси.
Имајте на ум дека со оваа шминка пожелно е да ставите и малку руменило на јаболчниците, особено ако сте со бледа кожа. Внимавајте со бојата на карминот. Бидејќи затемнетата шминка става акцент во горниот дел на лицето, убаво е усните да се во неутрална боја (бледорозова или праска), за да не се “борат” со нагласениот поглед.
Чекор по чекор
Во зависност од типот на шминка, постојат различни чекори. Но еве кои се тие поврзани во една целина:
Чекор 1 – ставете некаква основа на очните капаци – може да е основа за сенка или пудра. Целта е шминката да се задржи подолго време, без да се разлее.
Чекор 2 – не секогаш е задолжително, но во повеќето случаи, линијата на очниот капак под и над трепките се прави со тенок молив.
Чекор 3 – доаѓа ред на сенките. Прво покријте го целиот очен капак со светли сенки. Потоа малку над трепките и во надворешниот агол на очните капаци поставувате сенки во потемна нијанса. Конечно во надворешниот агол ставате сенки во најтемната боја. Запомнете дека внатрешниот агол на очите треба да остане полесен, во контраст со надворешниот.
Чекор 4 – мешате одделни сенки со помош на апликатор или внимателно со показалец, па да не се забележуваат контурите на одделните слоеви.
Чекор 5 – ако сакате туш, сега е идеално време. Истото важи и ако сте решиле да ги свиткате малку трепките.
Чекор 6 – нанесете 2 или 3 слоја црн римел за трепки.
На крајот на вечерта задолжително исчистете го лицето од тешката шминка.
