Чекањето во авион наскоро ќе биде минато?

Секој кој летал знае дека многупати може да се изгуби “цела вечност” додека да полета авионот.

Ситуацијата во која авион со запален мотор стои во место и нервозните патници кои чекаат и по еден час за да дојдат “на ред” за полетување, наскоро би можела да стане минато, тврдат експертите. Во тек е изградбата на систем кој на основа на бројни параметри ќе одредува кога е време патниците да го наполнат авионот за да не чекаат на терминалот и во леталото долго пред полетувањето.

Во предвид ќе се земат и временските услови, како и бројот на предвидени полетувања и слетувања во одреден момент. Исто, ова ќе спречи да дојде до гужви на самата писта, за да бидат избегнати судири.

Од новиот систем најмногу ќе профитираат авио-компаниите, кои нема да трошат гориво додека нивните мотори непотребно работат, но и патнниците кои нема да губат време чекајќи да полета нивниот авион.

Како што пишува Хафингтон, овој принцип веќе бил испробан на поединечни американски аеродроми и заклучиле дека секој авион чекал помалку да полета и дека на секое летало биле заштедени од 16 до 20 галони гориво.