Фејсбук статус на бугарскиот европратеник Андреј Ковачев
Во моментов има над 150.000 граѓани на Република Северна Македонија кои имаат бугарско државјанство или се во процедура на стекнување со такво. Тоа било овозможено врз основа на докажување на нивното бугарското потекло – како потомци на Бугарите, како и врз основа на декларација на бугарски идентитет. Всушност, сите тие луѓе се декларирале дека се чувствуваат етнички Бугари и дека нивните родители и пра-родители исто така се етнички Бугари.
Помеѓу тие наши сонародници има многу поранешни и сегашни политичари, поранешни премиери, поранешни и актуелни министри, градоначалници, пратеници од претходните и сегашни парламенти (од кои некои гласаа против Договорот за пријателство со Бугарија!), членови на раководството на двете најголеми партии , дипломати, бизнисмени, водечки новинари, универзитетски професори, нивните семејства и многу други.
Далечна ми е илузијата дека сите тие луѓе се искрени во својата бугарска припадност. Некои од нив дури се вбројуваат во првите редови на тие кои шиpaт омpaза кон Бугарија. Колку и да ми е стpaна таа шизoфpeнија, тоа е факт. Сите тие, сепак, имаат силен стpaв од тоа јавно да признаат дека зеле бугарски пасоши со самодекларирање со официјален формулар во кој потпишале дека се Бугари.
Ова е неприфатливо за мене! Ги повикувам бугарските институции јавно да ги обелоденат лицата кои се здобиле со бугарско државјанство и кои се ангажираат во сеење на омpaза кон Бугарија или во дејствија на партии и организации насочени кон бугapcката историја и национален идентитет. Треба да се стави крај на таа шизoфpeнија!
Уште во март годинава испратив барање до Бугарското народно собрание и до Министерството за правда. За жал, без одговор!? Сега ќе го обновам барањето со уште поголемо настојување!
