Брокулите се исклучително важни за работата на цревата, бидејќи содржат многу влакна. Може да ги јадете колку сакате, 100 грама содржат едвај 20 калории.
Брокулите ја чуваат кожата од стареењето затоа што од сите видови овошје и зеленчук содржат најмногу витамини А и Ц, најважните витаминини за убава и здрава кожа.
Доколку сакате почесто да се изложувате на сонце, подгответе се така што ќе јадете брокули. Бетакаротенот ќе ве сочува од УВ зраците.
Кога се берат брокулите многу е важно да се погоди вистинскиот момент. Набрани треба да се чуваат на студено место, до 1 целзиув степен, во спротивно, ќе почнат да цветаат.
Кога барате квалитетни брокули, најпрвин погледнете ги одозгора. Ако се жолти тоа е знак дека ќе почнат да цветаат, тие се презреани. Свртете ги одоздола и погледнете дали се чисти. Доколку се кафени и имаат дупчиња, значи дека се бајати.
