Министерството за одбрана на Велика Британија ги отфрли тврдењата на Русија дека нејзини специјални сили биле вмешани во нападите врз гасоводите „Северен поток“ и Црноморската флота на руската морнарица.
„За да го одврати катастрофалното справување со илегалната инвазија на Украина, руското Министерство за одбрана прибегнува кон објавување лажни тврдења од епски размери“, одговори Министерството за одбрана, на Твитер.
„Оваа измислена приказна повеќе кажува за расправиите што се водат внатре во руската влада, отколку за Западот“, се додава во реакцијата.
