Австрискиот претседател Alexander Van der Bellen деновиве собира куп честитки на Инстаграм, откако објави фотографија додека се вози во виенското метро на пат кон работа.
Во описот на фотографијата, 75-годишниот Ван дер Белен – кој е претседател на Австрија од 2017 година, појасни дека на фотката е фатен додека стоечки ги прегледува белешките на пат кон закажаниот состанок.
Приземноста на австрискиот претседател беше поздравена со општа воодушевеност, а причината е разбирлива – во многу земји, а особено на Балканов (со исклучок на Еди Рама, можеби), вакво нешто е непоимливо. И не поради тоа што немаме метро.
