Новиот кросовер Audi Q1, кој треба да излезе на пазарот следната година, ќе се нуди и во две набилдани верзии – S Q1 и RS Q1. Двете модификации ќе се појават една година по стандардниот модел.
Audi SQ 1 ќе добие 4-цилиндерски дизел мотор 2,0 TDI со две турбини, а моќта ќе достигне 231 КЅ. Топ верзија Q1 RS ќе се потпира на 2.0-литарски TFSI бензински мотор, кој ќе развива 310 КЅ и 379 Nm вртежен момент. За новиот кросовер се знае дека ќе биде на платформата MQB, чии димензии за оваа цел може да бидат намалени.
Според димензиите кросоверот ќе се доближува до Audi A3, а токму од него ќе ја добие палетата мотори. Основната верзија ќе биде со преден погон, а системот за погон на четири тркала quattro ќе се нуди како дополнителна опрема.
Надворешноста на новиот модел се развива од новиот шеф дизајнер на Audi – Марк Лихте, кој го создаде Volkswagen Golf VII. Според неговите зборови, возилото ќе биде ориентирано претежно кон млади купувачи, а екстериерот ќе се доближува до концептот Crossline Coupe.
