Воената драма Argo ги освои двете престижни награди во категориите за најдобра драма и најдобар режисер на 70. јубилејно издание на Златен Глобус. Мјузиклот Les Miserables освои најмногу глобуси, три, а најмногу внимание привлече Џоди Фостер која и’ соопшти на јавноста дека е геј и дека заминува во пензиja.
Доделувањето на Златните глобуси помина во знакот на многу изненадувања. Argo ја доби наградата за најдобра драма, а Бен Афлек го доби признанието за најдобра режија. Les Miserables доби награда за најдобра комедија/мјузикл, а награда добија и Ен Хатавеј и Хју Џекмен. Фаворитот Lincoln доби само едно “златно признание“ иако имаше седум номинации.
Британскиот актер Даниел Деј Луис, кој го игра славниот Абрахам Линколн, за екипата на Спилберг освои единствен Златен глобус, кој е номиниран за Оскар во 12 категории.
Django Unchained на Квентин Тарантино освои две награди, за сценарио и за епизодна улога на Кристоф Волц, стоматолог кој станува “ловец на глави“.
Педесетгодишната актерка Џоди Фостер доби признание за животно дело и јавно призна дека е геј.
“Се надевам дека не сте разочарани затоа што нема да има ’голем’ говор во кој ќе соопштам дека сум геј, јас тоа го направив пред илјада години, пред моите пријатели и семејството“, рече Фостер.
Меѓу ѕвездите на синоќешната церемонија беше и поранешниот претседател на САД, Бил Клинтон, кој го претстави филмот Lincoln.
Наградата за најдобра ТВ драма ја доби серијата Homeland. Најдобра телевизиска комедија е Girls.
Вчерашната церемонија ја водеа комичарите Ејми Пелер и Тина Феј.
Сите наградени на 70. Златен глобус
Филмови
Драма – Argo
Комедија или мјузикл – Les Miserables
Режисер – Бен Афлек, Argo
Актер – Хју Џекмен, Les Miserables
Актерка – Џенифер Лоренс, Silver Linings Playbook
Актер, драма – Даниел Деј Луис, Linkoln
Актерка, драма – Џесика Честејн, Zero Dark Thirty
Актер, епизодна улога – Кристоф Волц, Django Unchained
Актерка, епизодна улога -Ен Хатавеј, Les Miserables
Сценарио – Квентин Тарантино, Django Unchained
Оригинална музика – Михаел Дана, Life of Pi
Најдобра песна – Адел, Skyfall
Анимиран филм – Brave
Странски филм – Amour
Телевизија
Мини серија или ТВ филм – Game Change, HBO
Драма – Homeland, Showtime
Комедија или мјузикл – Girls, HBO
Актер, драмска серија – Демиен Луис, Homeland, Showtime
Актерка, драмска серија – Клер Дејнс, Homeland, Showtime
Актер, комедија или мјузикл – Дон Чидл, House of Lies, Showtime
Актерка, комедија или мјузикл – Лена Данам, Girls, HBO
Споредна улога, серија/мини серија/ТВ филм – Ед Харис,Game Change, HBO
Актерка, споредна улога – Меги Смит, Downton Abbey, PBS
Актер, споредна улога – Кевин Костнер, Hatfields & McCoys, History
Актерка, серија/мини серија/ТВ филм – Џулијен Мур, Game Change, HBO
