„Малиот принц“, една од највпечатливите книги за деца, од французинот Егзипери, ќе се искористи како терапија на децата чии родители се разведуваат- според закон.
Според судската пресуда, разведена двојка мора да им го чита на своите деца ова дело на сланиот писател и авијатичар, секој месец, еднаш неделно. Судот заклучил дека таткото и мајката така подобро ќе ги разберат своите деца и во нив ќе видат личности, пишува порталот „Seecult“.
Освен „Малиот принц“ задолжителни лектири ќе бидат и „Етика за Амадор“ на шпанскиот филозоф Фернандо Саватер, како и Конвенцијата за правата на децата.
Книгата „Малиот принц“ првпат е објавена во април 1943 година во Њујорк, на француски јазик. Подоцна стана најпреведувано дело на француската книжевност – објавена е дури на 270 јазици.
