Новото истражување покажува дека грозјето го намалува воспалението и таложењето на масти во телото, како и дека ја зајакнува антиоксидативната заштита на организмот.
Природните состојки во грозјето, познати како полифенголи, се делотворни при заштита од метаболичниот синдром. 
Научниците од Универзитетот во Мичиген го испитувале ефектот на големите масни количини и американскиот начин на исхрана на срцето, црниот дроб, бубрезите и масното ткиво, кај глувците склони на дебелеење со внесување или невнесување на грозје. Внесувале црно и бело грозје во облик на замрзнат прав кој е додаван во храната во текот на 90 дена.
Интересно е тоа што тромесечната исхрана која вклучувала грозје, довела до значаен пад на воспаленијата низ целото тело, а посебно на црниот дроб и на стомачното масно ткиво. Конзумацијата на грозје довела и до губење на телесната тежина во црниот дроб, бубрезите и стомачното масно ткиво во споредба со оние кои не внесувале грозје.
Метабоилчен синдром е група на симптоми кои вклучуваат покачен крвен притисок, зголемено ниво на шеќер во крвта, вишок на масно ткиво околу половината и ниска вредност на добриот холестерол, како и зголемено ниво на триглицериди во крвта. Сето ова во голема мера го зголемува ризикот од срцеви заболувања, мозочен удар и дијабетес. Затоа, редовното конзумирање на овошје и зеленчук се смета за добар начин да се намалат или спречат ризиците, а грозјето се покажа како особено корисно во низа испитувања.
