10 најдобри апликации за вашиот Android телефон

Оперативниот систем на Google, Android, моментално е голем натпреварувач во полето на оперативни системи за мобилни телефони. Сега можеме да поседуваме и супер-телефони како што се HTC Incredible, HTC EVO 4G, Motorola Droid X и Samsung Galaxy S кои имаат врвен хардвер поддржан од бесконечните можности на Android платформата. Иако неговиот маркет не е толку напреднат како тој на Apple, со излегувањето на Android 2.2 Froyo можеме да очекуваме само напредок и сè понови, поинтересни и помоќни апликации.

Оперативниот систем на Google, Android, моментално е голем натпреварувач во полето на оперативни системи за мобилни телефони. Сега можеме да поседуваме и супер-телефони како што се HTC Incredible, HTC EVO 4G, Motorola Droid X, и Samsung Galaxy S кои имаат врвен хардвер поддржан од бесконечните можности на Android платформата. Иако неговиот маркет не е толку напреднат како тој на Apple, со излегувањето на Android 2.2 Froyo можеме да очекуваме само напредок и сè понови, поинтересни и помоќни апликации.

Ви ги претставуваме десетте најпопуларни и најкористени бесплатни апликации на Android телефоните во денешно време. За да ги инсталирате, побарајте ги во маркетот по име или пак пројдете над кодот од апликацијата со Barcode Scanner.

Advanced Task Killer

Ниту еден Android телефон не смее да ја нема оваа апликација. Advanced Task Killer мора веднаш да ја преземете од маркетот откако ќе го купите телефонот затоа што е најкорисна за прегледување на процесите што работат во позадина. После неколку часа вклучување и прегледување на апликации, има шанси телефонот видно да ви се успори. Апликацијава ви овозможува исклучување на сето она што не ви е потребно и ослободува меморија за користење. Постои и верзија која се плаќа 5 долари за автоматско убивање на процеси, но и бесплатната ќе ве служи добро.

Grooveshark

Grooveshark, познатата бесплатна веб апликација за слушање музика на интернет (нешто слично како last.fm), стана достапна и за Android OS. Ви овозможува едноставно и брзо пребарување на било која песна, правење на своја листа и зачувување на истата како и слушање на радио. Исто така можете да ги зачувате вашите фаворити на телефонот за да ги слушате без интернет конекција.

ChompSMS

ChompSMS е најдобриот SMS клиент за Android. Новата 2.0 верзија на оваа апликација има можност да се стави во sleep mode и со тоа да не ја троши батеријата. Пораките ви ги прикажува во вид на разговорни облаци за секој контакт посебно. Можете да го поставите изгледот и боите како што на вас ви одговара.

Astro File Manager

Ако имате некогаш желба да разгледате што има на вашиот оперативен систем, да ги организирате документите или музиката, и сето тоа по папки, тогаш Astro File Manager е апликацијата за вас. Ќе имате комплетен преглед на целиот ваш систем и ако ви снема место, ќе можете да избришете нешто што не ви треба.

Прочитајте и:  За да ја сруши доминацијата на iPad, Google ги спојува ChromeOS и Android

Dolphin Browser HD

Ако не сте задоволни со постоечкиот пребарувач на вашиот телефон, тогаш треба да го испробате Dolphin Browser HD. Овозможува преглед со табови, multitouch зумирање, синхронизирање со Google Bookmarks, како и можност да обележите веб сајтови кои би сакале да ги читате подоцна. Дури можете и да зачувате YouTube видеа на меморијата на вашиот телефон.

doubleTwist Player

doubleTwist Player for Android е едноставна апликација за пуштање на музика. Ако ја искомбинирате со Desktop верзијата на вашиот компјутер, ќе можете лесно да ја организирате и синхронизирате вашата колекција на песни и албуми, слично како iTunes. Подржува и пуштање на видеа.

Facebook for Android

Facebook for Android е Facebook апликација за Android. Изгледа едноставно и можете да ставите нов статус, да сликате и праќате слики и нормално да ги читате новостите, како и вашиот профил. Иако ги нема сите можности што ги нуди Facebook, оваа апликација е многу побрза од веб верзијата.

Foursquare

Foursquare е нова, иновативна, социјална апликација базирана на локација. Со интегрирани Google Maps, можете да го видите местото каде се наоѓате во моментот и околината (улици, ресторани, продавници итн.), како и да ја користите опцијата “check-in” за да им соопштите на вашите пријатели каде се наоѓате во моментот (или каде сте биле), сето тоа преку GPS. Исто така нуди и врзување со другите социјални мрежи, така што имате можност да ја испратите вашата локација и на Facebook или Twitter. Дополнително, прочитајте ја нашата статија за Foursquare.

Google Maps Navigation

Google Maps Navigation е бесплатна GPS апликација. Со селектирање на местото каде што сакате да стигнете на Google Maps, оваа апликација ви го исцртува најблискиот пат до вашата крајна цел, а сето тоа е подржано со глас кој ве води каде и кога да свртите. Исто така можете да читате и вести поврзани со сообраќајот во моментот.

Twitter for Android

Самото име Twitter for Android кажува сè. Оваа апликација, исто како таа за Facebook, ви овозможува преглед на вашиот Twitter Feed, поставување на нов статус, ретвитање, внесување геолокација со помош на GPS.

Ако имате некакво искуство со Android оперативниот систем и ако мислите дека некоја друга апликација треба да биде на листава, слободно оставете коментар.

[10 најдобри македонски Android апликации]