Што е летна забава без коктели? Овој пат мислиме на сангрија, познатиот шпански напиток за кој не ви се потребни ниту скапи состојки ниту знаење на коктел мајстори. Се што ви е потребно се неколку намирници и забавата може да започне.
Потребни состојки:
1 излупено и тенко исечкано јаболко
1/2 тенко исечен портокал
1/2 тенко исечен лимон
2 лажици сок од портокал
2 лажици сок од лимон
1/4 шолја шеќер
1/4 шолја бренди
1 шише црвено вино
750 ml вода
Постапка:
Сите состојки помешајте ги во еден длабок сад, добро измешајте и оставете го во фрижидер во текот на ноќта. Следниот ден пијалокот е подготвен за вистинско зачинување на забавата. Послужете го заедно со неколку коцки лед.
