На листата на најбогатите луѓе на Балканот на магазинот „Форбс“ се најдоа пет Македонци.
Според „Форбс“ најбогат бизнисмен во Македонија е Минчо Јорданов, сопственик на „Макстил“, „Бетон“,„Факом“, винарската визба „Стоби“, на приватната клиника “Ремедика“ и на ракометниот клуб „Металург“ чие богатство е проценето на 27 милиони евра.
Минчо Јорданов
Зад него се Штерјо Наков во чија сопственост е „Фершпед“, Андреја Јосифовски, претседател на Управниот одбор на „Макпетрол“, Свето Јаневски, првиот човек на „М6“ и сопственикт на „Тиквеш“ и директорот на „Алкалоид“ Живко Мукаетов.
Живко Мукаетов
Листата на „Форбс“ за најбогатите луѓе на Балканот е составена врз основа на јавните податоци за вредноста на акциите кои тие ги поседуваат во фирмите што котираат на Берза.
Сепак, македонските милионери се далеку зад нивните „колеги“ од Балканот. Според магазинот „Форбс“ прв на листата на најбогати е Хрватот Ивица Тодориќ, сопственик на концернот „Агрокор“ а кој „тежи“ 573 милиони евра.
