Сведоци сме на најразлични вежби и начини на исхрана на секој чекор, но се поставува прашањето дали резултатите се долгорочни?
За квалитетна редукција на телесните масти односно нивно топење неопходна е комбинација на вежбање и правилна исхрана -не диета, туку корекција на внесот на намирници.
Доколку имате прилика да издвоите време за тренинг три или четири пати неделно, а притоа имате желба да ослабете, еве како да успеете во тоа:
Првата работа што треба да ја знаете во врска со тренингот е вашиот максимален пулс што ќе ви биде параметар за интензитетот на тренингот, а него го сметаме на следниов начин:
а.за жени 225 минус годините и б. за мажи 220 минус возраста
Одиме понатаму…
1.Загревање
Подготовка на телото и умот за главниот дел од тренингот низ зголемување на температурата на телото, забрзување на циркулацијата и емотивниот фокус за претстојните активности. Овој дел од тренингот содржи два сегменти – а. одење, возење велосипед, орбитрек во траење од 10-15 минути и б. вежби за раздвижување на зглобовите во траење од 5 до 7 минути.
2.Главен дел од тренингот
Овој дел се дели на три сегменти:
а.Вежби за цело тело (без вежби за мускулите на долниот дел на грбот и стомачните мускули) во форма на кружен тренинг, што значи дека се прават вежби за цело тело. 6 до 10 вежби во еден круг по една серија од секоја вежба, 2 до 4 круга, 12 до 15 повторувања. Паузата помеѓу вежбите треба да трае од 15 до 30 секунди.
б.Вежби за долните мускули на грбот и стомачните мускули. Тука треба да внимавате на правилно изведување на движењето и дишењето. Направете по 2 до 4 вежби за двете групи мускули, 2 до 4 кругови, 15-20 повторувања.
в.Овој дел се однесува на пешачење, возење велисипед или пак возење ролери во траење од 20 до 30 минути.
3.Ладење
Вежби за растегнување, релаксација и дишење во траење од 5 до 10 минути.
Доколку имате било какви здравствени проблеми неопходно е да се консултирате со лекар и да добиете дозвола за вежбање. Доколку имате дозвола, следниот чекор е консултација со фитнес тренер, затоа што секој тренинг треба да биде прилагоден на годините, полот и здравствената состојба.
Докажете дека можете!
