Почестото конзумирање риба би можело да ви го продолжи животот, покажаа резултатите од истражувањето на универзитетот Харвард и универзитетот во Вашингтон.
Анализата укажува на позитивното дејство на незаситените масни киселини – омега 3 што ги содржи рибата, како што е лососот, врз животниот век на луѓето.
Истражувачите дошле до заклучокот со анализа на статистички податоци собрани во текот на 16 години, а кои се однесуваат на околу 2 700 возрасни во САД на старост од 65 години па нагоре, учесници во долгото истражување на Националниот институт за здравје за кардиоваскуларно здравје.
Било утврдено дека лицата на 65 годиншна возраст па нагоре со најголемо ниво на омега 3 во крвта живеат во просек две години и два месеци подолго од оние со најниско ниво на тие киселини.
„Резултатите го потврдуваат значењето на омега 3 во крвта за кардиоваскуларното здравје и наведува до заклучок дека можат да го продолжат животот за неколку години“, објаснил доктор Дариус Мозафарис од Харвард.
