Високиот струк на здолништата и панталоните оваа сезона е во мода. Ако го комбинирате со горна облека која го открива горниот дел од стомакот, сигурно е еден од најдобрите модни избори оваа пролет.
Оваа интересна комбинација од висок струк и краток топ секако носи еден ретро шарм и посебна елеганција, а најдобро од сѐ е тоа што рамниот стомак не е императив, туку токму спротивното. Вашиот стомак може да изгледа послабо отколку што е.
Освен што носи гламур, високиот струк ја издолжува силуетата, а супер работа е што може да си поиграте со ремени во разни бои.
