Во првиот меч од Светското првенство за жени помеѓу Демократска Република Кореја и САД, Севернокорејките загубиле по двата лесно примени гола во второто полувреме, откако во првото давале силен отпор. Објаснувањето за поразот што го дал тренерот е повеќе од зачудувачко.
Според неодамнешното „независно и објективно“ истражување напревено во Пјонгјанг, ДР Кореја е најсреќното место, додека Американската Империја убедливо најнесреќното место за живеење. Сепак, во нивниот меѓусебен меч на фудбалското првенство за жени, Американките ја однеле победата со 2:0. На прес-конференцијата по мечот, се очекувало тренерот да се задржи на просечната возраст на тимот што е најниска на турнирот (само 20 години), но тој дал многу подобро објаснување за поразот.
Според Кванг Мин Ким, додека неговиот тим тренирал во Пјонгјанг, девојките биле удрени од гром и неколку од нив завршиле во болница. Најпогодени биле чуварката на голот и одбранбената четрворка, како и некои играчи од средниот ред. Физиотерапевтот рекол дека тие не се способни за натпревари, но нивната силна волја ги натерала од болницата да долетаат во Германија и да се натпреваруваат. Фактот што играле бил абнормален и резултат на силната волја.
На фудбалерките не им било дозволено да проговорат на прес-конференцијата.
{youtube}IOCNl7Psw7I{/youtube}
