Филмот „Argo“ на Бен Афлек е прогласен за најдобар филм на 85. доделување на Оскарите што се одржа вчера во Лос Анџелес, додека четири признанија, вклучувајќи го и тоа за најдобра режија, освои филмот на Анг Ли „Life of Pi“.
„Недела е, сите сме свечено облечени. Па, ова изгледа како да сме во црква, само што луѓето се молат повеќе“. Со овие зборови комичарот Сет Мекфарлан го опиша доделувањето на наградите во театарот Долби.
Оскарот за најдобар филм му припадна на Бен Афлек за „Argo“, кој важеше за фаворит. Покрај Џек Николсон наградата по пат на видео порака ја додели првата дама на САД, Мишел Обама.
„Бев тука пред неколку години и немав претстава за тоа што го правев. Излегов и никогаш не се надевав дека ќе се вратам на оваа сцена. Но, не е важно колку пати паѓате во животот, се додека знаете како да станете“, рекол Афлек.
„Argo“ ги освои признанијата во категоријата за адаптирано сценарио и монтажа.
Признанието за најдобра режија го доби Анг Ли за „Life of Pi“, прв филм во неговата кариера снимен во 3Д.
Младата Џенифер Лоренс е прогласена за најдобра актерка за главната улога во „Silver Liningс Playbook“ на Дејвид О Расел.
Актерката додека излегуваше на сцената да ја прими наградата се сопна на скалите.
Во категоријата најдобар актер очекувано триумфираше Даниел Деј Луис кој го глуми ликот на Абрахам Линколн во филмот на Стивен Спилберг „Lincoln“.
За најдобра машка споредна улога беше награден Кристоф Валц за улогата во „Django unchained“, а за споредна женска улога Оскарот и припадна на Ен Хатавеј за улогата во филмот „Les Misérables“.
„Amour“ на Михаел Ханекен е прогласен за најдобар филм од неанглиско говорно подрачје. Во категоријата аниминирани филмови триумфираше студиото Дизни чиј краток анимиран филм „Paperman“ ја воодушеви публиката ширум светот. Во категоријата долгометражни филмови награден е „Merida“ кој покрај Дизни го потпишува и Пиксар.
Актерката Хали Бери, Оскаровка и поранешна Бонд девојка, го најави специјалниот омаж на серијалот за агентот 007 кој ги полни кино салите веќе половина век. Во таа чест, настапи легендарната Ширли Бејс која изведе еден од хитовите „Goldfinger“ од филмовите за агентот 007.
Свои пет минути имаше и мечето Тед кој со Марк Волберг се појави како презентер.
Повеќечасовната церемонија оваа година ја одбележа музиката. Имаше дел посветен на мјузиклот Чикаго, а на сцената настапи Кетрин Зета Џонс која ја изведе „All That Jazz“, додека екипата од филмот „Les Miserables“ изведе микс од своите песни склопени во една нумера „One Day“.
Моментот, сепак, го украде Џенифер Хадсон која ја изведе баладата „I’m telling you I’m not going“ од филмот „Dreamgirls“. Барбара Стрејсенд го изведе хитот The Way We Were од 1973 година.
Britanskata ѕвезда Адел ја отпеа наградената „Skyfall“ од истоимениот филм за Џемс Бонд, додека Нора Џонс ја изведе „Everybody Needs a Best Friend“ од филмот „Ted“.
Ова е целата листа на наградени:
Best Picture: Argo
Actor: Daniel Day-Lewis, Lincoln
Actress: Jennifer Lawrence, Silver Linings Playbook
Supporting Actor: Christoph Waltz, Django Unchained
Supporting Actress: Anne Hathaway, Les Miserables
Directing: Ang Lee, Life of Pi
Foreign Language Film: Amour, Austria
Adapted Screenplay: Chris Terrio, Argo
Original Screenplay: Quentin Tarantino, Django Unchained
Animated Feature Film: Brave
Production Design: Lincoln
Cinematography: Life of Pi
Sound Mixing: Les Miserables
Sound Editing: Life of Pi, Skyfall (tie)
Original Score: Life of Pi, Mychael Danna
Original Song: Skyfall from Skyfall, Adele Adkins and Paul Epworth
Costume: Anna Karenina
Documentary Feature: Searching for Sugar Man
Documentary (short subject): Inocente
Film Editing: Argo
Makeup and Hairstyling: Les Miserables
Animated Short Film: Paperman
Live Action Short Film: Curfew
Visual Effects: Life of Pi
