На годишниот I\O настан што ќе се одржи од 15 до 17 мај Гугл најверојатно ќе ја открие новата верзија на Андроид, односно 5.0 која го носи името Key Lime Pie.
Оперативниот систем првично ќе биде достапен на корисниците на Nexus 4.
Како што на годинешниот Гугл I\O настан беше лансиран таблетот Nexus 7, се очекува во 2013 година технолошкиот гигант да ги изненади своите поддржувачи со уште некој нов производ, иако засега претставниците од Гугл не откриваат што точно ќе понуди на конференцијата закажана за мај, догодина.
Непознато е што точно ќе понуди новата верзија на Андроид, Key Lime Pie, меѓутоа, се шпекулира дека ќе содржи подобрена поддршка за повеќе акаунти, како и напреден интерфејс.
Конечно, се очекува Гугл да се огласи и со комерцијален концепт за Project Glass, односно очилата за подостапна виртуелност. [Android 5.0 likely will arrive at Google I/O in May]
