Актерката Анџелина Џоли блесна на црвениот тепих на наградите „Гувернeрс“ со својот 16-годишен син Нокс, кој го роди додека беше во брак со Бред Пит, пишува „Дејли мејл“. Нокс носеше смокинг, а неговата мајка носеше бело- златен фустан без ракави, дополнувајќи го холивудскиот гламур со големи дијамантски обетки и соодветна огрлица.
На насанот кој го организираше Одборот на директори на Академијата за филмски уметности и науки, мајката и синот, се дружеа со Памела Андерсон, Деми Мур, Никол Кидман, Елизабет Олсен и други и други познати личности од филмскиот свет.
На настанот им беше оддадена почит на починатите Квинси Џонс, продуцентите на „Џејмс Бонд“ Барбара Броколи и Мајкл Г. Вилсон, режисерот Ричард Кертис и директорката на кастингот Џулиет Тејлор.
Џоли ги посвои Медокс, Пакс и Захара, а во бракот со Пит ги роди и Шајло и близнаците Вивиен и Нокс.
Анџелина Џоли, инаку, продолжува со промоцијата на својот најнов филм за оперската дива Марија Калас, насловен како „Марија“. Филмот треба да биде достапен на Нетфликс од 11 декември, а во пресрет на премиерите во американските кина, актерката откри како се подготвувала за улогата.
„Потребни беа многу месеци часови по пеење. Месеци само совладување на пеењето, а потоа часови по италијански, и работите што таа ги прави. Се обидов да бидам прецизна. Нејзината болка ја сфаќам како лична, и секако многу приватно“, изјави Џоли.
Како што знаеме, ѕвездата реши да и оддаде почит на Калас на премиерата во Венеција, а тоа го покажа со модна изјава бидејќи на нејзиниот црн фустан стави златен брош од Картие Пантер кој му припаѓаше на покојната сопранистка.
“Решив да не го копирам изгледот на Марија бидејќи е нејзин, а нејзините венецијански килими беа неверојатни, па ѝ дадов малку значење на поинаков начин. Можете да замислите колку беше посебно да се носи парче нејзин накит“, сподели Џоли, која доби осумминутен аплауз на светската премиера на филмот на филмскиот фестивал во Венеција, што ја расплака.
Актерката исто така призна дека може да се поврзе со ликот што го толкувала и на лично ниво.
„Не сакам да зборувам премногу за тоа бидејќи е премногу лично, но дефинитивно, осаменоста и работната етика се тие со кои можам да се поврзам. Можам да бидам многу нешта, но јас сум многу напорен работник, нели “, рече Џоли.
„Јас не сум совршена, но работам многу напорно, а и таа работи напорно“, додала актерката, откривајќи дека веројатно и двајцата се многу напорни за себе.
