Во јужноамериканските квалификации за Светското првенство во 2026 година, Парагвај со 2:1 победи против Аргентина, која и покрај поразот остана прва на табелата, а Бразил ремизираше 1:1 со Венецуела.
Аргентина сега по 11 кола има 22 бода, три повеќе од Колумбија која има натпревар помалку и пет повеќе од Бразил.
Аргентина поведе во Асунсион во 11. минута од натпреварот, а погоди напаѓачот на Интер Лаутаро Мартинез. Но, Парагвајците, кои се борат за едно од шесте квалификациски места, брзо израмнија, во 19. минута Тони Санабрија погоди за 1-1. Победничкиот гол за Парагвај по одморот го постигна дефанзивецот на шпански Хетафе, Омар Алдерете со глава во 47. минута.
Аргентина ќе има можност да се искупи во вторник на гостувањето кај Перу, додека Парагвај, моментално шести (16 бодови), патува за Боливија.
Петкратниот светски шампион Бразил ремизираше во Венецуела, откако играчот на Реал Мадрид Винисиус Јуниор промаши пенал. Бразил мораше да се задоволи со бод, единствениот гол за „Селекао“ го постигна играчот на Барселона, Рафиња од слободен удар. Венецуела, за која израмниа Теласко Сеговија, по ремито е на седмото место со 12 бода.
По ова реми Бразил остана трет на табелата со 17 бодови.
Еквадор е петти откако Гонзало Плата постигна два гола во победата од 4:0 против Боливија во Гвајакил. Првиот гол на натпреварот го постигна ветеранот Енер Валенсија од пенал, потоа двапати погоди Плата, а конечниот резултат го постави Алан Минда.
Денеска играат Уругвај и Колумбија и Перу и Чиле.
Јужноамерикански квалификации за СП 2026, резултати:
Венецуела – Бразил 1:1
Еквадор – Боливија 4:0
Парагвај – Аргентина 2:1
Сабота:
Перу – Чиле
Уругвај – Колумбија
ТАбЕЛА
- Аргентина 22 11 7 1 3 20 7 13
- Колумбија 19 10 5 4 1 13 6 7
- Бразил 17 11 5 2 4 16 10 6
- Уругвај 16 10 4 4 2 13 6 7
- Еквадор 16 11 5 4 2 10 4 6
- Парагвај 16 11 4 4 3 6 5 1
- Венецуела 12 11 2 6 3 9 11 -2
- Боливија 12 11 4 0 7 11 25 -14
- Перу 6 10 1 3 6 3 14 -11
- Чиле 5 10 1 2 7 5 18 -13
