Уметникот Перо Кованцалиев за своето дело „Дамки“ доби пофалница за најдобро дело на изложбата „Голем формат“ што синоќа беше отворена во Домот на армијата. Изложбата ја организира Друштвото на ликовните уметници на Македонија. Делото „Дамки“ произлегува од серијата цртежи и објекти од проектите „Капиталистичка авантура“ и „Политичка лирирност“ кои во својата основа се концепт кој говори за важноста на одржливиот развој, објаснува уметникот.
